Real Madrid er búið að tilkynna að félagið mun halda æfingakeppni ásamt Inter og FC Bayern á næsta ári. Þessi keppni mun heita Samstöðubikarinn
Allur hagnaður af keppninni mun fara í baráttuna gegn kórónuveirunni.
Keppnin verður stutt og mun samanstanda af þremur leikjum, í Madríd, München og Mílanó.
Mótið verður haldið á næsta ári og verða nákvæmar dagsetningar kynntar þegar nær dregur. Stefnt er á að halda mótið fyrir framan áhorfendur.
„Allur hagnaður mun skiptast til heilbrigðisyfirvalda á Ítalíu og Spáni," segir meðal annars á vefsíðu Real Madrid. Ástandið í Þýskalandi er nokkuð gott og er fótboltaheimurinn farinn aftur af stað.
Athugasemdir