Góð ferð í Mosfellsbæinn.
ÍBV sóttu Mosfellinga heim í þriðju umferð Lengjudeildarinnar í dag. Stórsigur, 0-5, varð niðurstaðan og Eyjamenn hafa þar með stimplað sig inn í deildina eftir erfiða byrjun.
Helgi Sigurðsson, þjálfari ÍBV, var kampakátur í leikslok.
„Það var bara frábært að sjá hvernig strákarnir komu inn í þennan leik frá fyrstu mínútu. Við vorum staðráðnir í að sýna okkar rétta andlit hér í dag og byrja þetta mót af fullum krafti eftir eins og þú segir, tvo erfiða fyrstu leiki. Get ekki kvartað yfir þessu, skorum fimm mörk og höldum hreinu. Við getum ekki beðið um meira og vinnuframlagið hjá leikmönnum var þess eðlis að við áttum þetta 100% skilið," sagði Helgi beint eftir leik.
Helgi Sigurðsson, þjálfari ÍBV, var kampakátur í leikslok.
„Það var bara frábært að sjá hvernig strákarnir komu inn í þennan leik frá fyrstu mínútu. Við vorum staðráðnir í að sýna okkar rétta andlit hér í dag og byrja þetta mót af fullum krafti eftir eins og þú segir, tvo erfiða fyrstu leiki. Get ekki kvartað yfir þessu, skorum fimm mörk og höldum hreinu. Við getum ekki beðið um meira og vinnuframlagið hjá leikmönnum var þess eðlis að við áttum þetta 100% skilið," sagði Helgi beint eftir leik.
Slæm byrjun ÍBV á mótinu fór ekki framhjá neinum og var Helgi töluvert í umræðunni fyrir leik.
„Auðvitað fer umræðan ekkert framhjá mér og það er alveg ljóst. Maður verður að virða það að menn vilja selja fréttir í þessum bransa. Við erum þjálfarar og ef þetta er ekki að ganga þá erum við auðvitað oft skotmark. Við verðum að þola það eins og hrósið, þegar við fáum hrós, verðum líka að þola skamminar. Það er samt helvíti hart þegar verið er að bíða eftir því að menn séu látnir fara eftir tvo þrjá leiki. Fótboltinn gengur ekki svoleiðis."
Nánar er rætt við Helga í viðtalinu hér fyrir ofan.
Athugasemdir