Hluti af stuðningsmönnum Bröndby var til ófriðs á Íslandi.
Danskir fjölmiðlar greina frá því að UEFA, fótboltasamband Evrópu, hafi sektað danska félagið Bröndby um 25 þúsund evrur vegna óláta hjá stuðningsmönnum liðsins hér á landi. Það eru um 3,6 milljónir íslenskra króna.
Hópur stuðningsmanna liðsins var með læti í kringum fyrri viðureignina gegn Víkingi í forkeppni Sambandsdeildarinnar en Víkingur vann þann leik 3-0.
Hópur stuðningsmanna liðsins var með læti í kringum fyrri viðureignina gegn Víkingi í forkeppni Sambandsdeildarinnar en Víkingur vann þann leik 3-0.
Í útskýringu frá UEFA segir að hegðun þeirra hæfi ekki íþróttaviðburði.
Stuðningsmennirnir unnu skemmdarverk á vallarsvæði Víkings og veltu meðal annars ferðaklósettum um koll.
Bröndby vann svo ótrúlegan sigur í seinni leiknum 4-0 og komst áfram úr einvíginu.
Athugasemdir
