Fjölnir og Sindri áttust við í fyrsta leik kvöldsins í 2. deild kvenna og tóku Fjölniskonur forystuna snemma leiks.

Freyja Aradóttir skoraði á sjöundu mínútu og tvöfaldaði María Sól Magnúsdóttir forystuna á 22. mínútu.

Staðan var 0-2 í leikhlé og setti María Sól þriðja mark leiksins í upphafi síðari hálfleiks, áður en Anna María Bergþórsdóttir og Júlía Katrín Baldvinsdóttir innsigluðu fimm marka stórsigur.

Júlía Katrín var svo rekin af velli á 76. mínútu en það kom ekki að sök.

Fjölnir fer upp í níu stig með þessum sigri í sjöttu umferð. Sindri er með fjögur stig.