Hún er búin að fá félagaskipti aftur yfir til heimalandsins, Úkraínu, en glugginn er opinn þar og deildin komin af stað.

Petryk kom til Breiðabliks frá úkraínsku meisturunum í Kharkiv. Henni var frjálst að skipta um félag eftir að rússneski herinn hóf innrás í Úkraínu.

Hún var lykilmaður í liði Kharkiv síðasta haust og á 102 leiki að baki í úkraínsku deildinni. Þar að auki á hún 19 leiki að baki í Meistaradeildinni og 20 landsleiki fyrir Úkraínu.

Petryk lék 14 leiki með Breiðabliki í Bestu deildinni og skoraði í þeim tvö mörk.

Þetta eru ekki sérlega góð tíðindi fyrir Blika sem eru að berjast við það að komast í Meistaradeildina. Breiðablik er sem stendur í öðru sæti en Stjarnan fylgir fast á hæla þeirra.