Gyökeres í forgangi hjá Arsenal - Sargent orðaður við Brentford - City og Dortmund hafa áhuga á Camarda
Birkir aftur heim í Þorpið - „Búið að vera í hausnum á manni lengi"
Á leið í fimmta tímabilið á Íslandi - „Ánægður að þeir völdu mig"
Sjáðu þrumuræðu Þorvalds Örlygssonar sem tryggði honum formannsembættið
Ingibjörg: Hafði alltaf trú
Telma: Vissi að við kæmum brjálaðar til baka
Sveindís: Lofaði að bæta upp fyrir það og fannst ég gera það
Glódís: Við sem leikmenn, þjóðin og KSÍ þurfum öll að stíga upp
„Búin að fá einhverja Twitter-kalla á sig en gerir okkur að sterkara liði"
Steini: Allt í lagi á meðan maður fær ekki slag
Alexandra í skýjunum: Það væri galið að setja hann ekki í svæðið
Hildur: Í augnablikinu vissi ég ekki að það kæmi mark úr því
Fyrsta landsliðsmarkið kom á besta tíma - „Ólýsanleg tilfinning"
Gunnhildur: Ætlað mér að vera styrktarþjálfari í svona tíu ár
Sædís: Þurfum að vera rólegri á boltanum og þora
Hefði frekar verið til í Valsvöllinn - „Eitthvað sem ég þarf að laga fyrir næsta leik"
Guðrún: Það voru Blikalög í rútunni á leiðinni og allir pepp
Alexandra: Er svo hógvær að ég segi að þetta sé sjálfsmark
Máni efstur í kosningu til stjórnar KSÍ
Þrumuræða Þorvaldar gerði útslagið: Fyrst og fremst tilfinningar frá mér
Sveindís beðið lengi - „Erfitt að segja hvenær maður kæmist aftur í fótbolta"
banner
   mið 22. nóvember 2023 12:00
Elvar Geir Magnússon
Viðtal
Láki í nýju ævintýri í Portúgal: Þurfti að hrökkva eða stökkva
Þorlákur Árnason á hliðarlínunni í Portúgal.
Þorlákur Árnason á hliðarlínunni í Portúgal.
Mynd: Fótbolti.net - Hafliði Breiðfjörð
Láki er með fjölmennt teymi sér til aðstoðar.
Láki er með fjölmennt teymi sér til aðstoðar.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Damaiense spilar á gervigrasi.
Damaiense spilar á gervigrasi.
Mynd: Fótbolti.net - Hafliði Breiðfjörð
Þorlákur Árnason stýrði um helgina sínum fyrsta leik sem þjálfari portúgalska kvennaliðsins Damaiense. Þorlákur hætti sem þjálfari Þórs eftir sumarið og um síðustu mánaðamót var fjallað um ráðningu hans í Portúgal en hann gerir samning út tímabilið.

Damaiense tapaði 1-3 fyrir Marítimo á sunnudaginn og er í fimmta sæti af tólf liðum portúgölsku úrvalsdeildarinnar. Fótbolti.net var í Portúgal og spjallaði við Þorlák eftir leikinn.

Fréttirnar af ráðningu hans komu eins og þruma úr heiðskíru lofti.

„Það var í raun þannig. Ég var að skoða aðra möguleika en hafði ekki langan tíma til að svara þessu. Ég þurfti að hrökkva eða stökkva og ákvað að stökkva á þetta,“ segir Þorlákur.

Það er Íslendingur í stjórn Damaiense og hann varð til þess að Þorláki var boðið starfið.

„Einar Páll Tamimi sem var með mér í Stjörnunni á sínum tíma er í stjórn og hann hafði samband við mig. Síðan tók framkvæmdastjórinn hjá félaginu við og á endanum ákvað ég að taka slaginn. Ég var að hugsa um að ferillinn væri búinn að vera frekar 'passífur', ég var tvö ár hjá Þór í uppbyggingarferli og tvö ár í Hong Kong. Ég hugsaði hvort við ættum ekki aðeins að poppa þetta upp."

Pínu pirraður eftir seinna tímabilið með Þór
Þorlákur var einnig í viðræðum um að taka að sér starf í Asíu en segir að fjölskylduaðstæður hafi gert það að verkum að hann vildi ekki fara lengra í burtu á þessum tímapunkti.

Hann var yfirmaður fótboltamála hjá Hong Kong og fékk tilboð um að taka að sér álíka störf.

„Tilboðin voru eiginlega öll um störf á skrifstofunni en mig langaði til að þjálfa áfram. Ég var pínu pirraður eftir seinna tímabilið með Þór, fyrra tímabilið gekk vel en ég var svekktur að ná ekki að fara í úrslitakeppnina með liðið. Mér fannst tilvalið að fara aftur á hestbak og þjálfa áfram úti á velli."

Gervigras bannað í efstu deild
Staða Damaiense er í óvissu þar sem nýjar reglur taka gildi á næsta tímabili sem banna gervigrasvelli í efstu deild en heimavöllur liðsins er með gervigrasi.

„Félagið er í þeirri stöðu að það má ekki spila í efstu deild á næsta ári með þessa aðstöðu, það verður að spila á grasi. Mér fannst henta vel að semja við félagið út tímabilið og skoða svo málin. Mér líður mjög vel hérna í Lissabon, þetta er lítill krúttlegur klúbbur en er atvinnumannalið. Það eru æfingar á morgnana og rosalega góð umgjörð í kringum þetta. Það er búið að vera mjög gaman."

Fréttamaður tók eftir því að Þorlákur er með stórt teymi aðstoðarfólks í kringum sig en fyrir leikinn fylgdist hann með af bekknum á meðan fimm aðstoðarmenn hans stýrðu upphitun.

„Þau eru komin aðeins lengra en ég átti von á. Við erum að gera hlutina vel heima en hér ertu með þjálfara sem sér um uppstillt atriði, leikgreinanda og næringarfræðing í fullu starfi. Það er mikið teymi í kringum þetta og það kom mér á óvart," segir Þorlákur.

Hvernig er portúgalska kvennadeildin?

„Hún er sterk. Benfica er með yfirburðarlið og langstærsta fjármagnið. Svo koma Sporting Lissabon og Braga og þar á eftir við og svona fjögur önnur lið sem eru á svipuðum stað. Þar á meðal Marítimo sem við töpuðum fyrir í dag."

Sjáðu viðtalið í heild sinni í sjónvarpinu hér að ofan.
Athugasemdir
banner
banner
banner
banner