Mino Raiola, umboðsmaðurinn umdeildi, tjáði sig um Erling Braut Haaland í dag en norski landsliðsmaðurinn hefur verið að spila frábærlega upp á síðkastið.
Margir velta því fyrir sér hvert næsta skref verður hjá Haaland en samningur hans við Dortmund rennur út árið 2024.
Haaland er hins vegar með klásúlu í samningi sínum sem hleypir honum burt frá Dortmund á 66,6 milljónir punda, sumarið 2022.
„Það eru aðeins tíu lið sem eiga efni á Haaland. Fjögur af þessum liðum eru frá Englandi," sagði Mino Raiola, umboðsmaður leikmannsins.
Haaland skoraði tvö mörk í fyrri leiknum gegn Sevilla í 16-liða úrslitum Meistaradeildarinnar og þá gerði hann einnig tvennu í erkifjendaslagnum gegn Schalke um síðustu helgi.
Athugasemdir