Elías Már Ómarsson - Víkingur
Fagnar hér öðru marki sínu.
„Ég er mjög ánægður. Mikilvæg þrjú stig gegn góðu Stjörnuliði. Við getum verið sáttir með þessi þrjú stig,“ sagði Elías Már Ómarsson eftir 3-2 sigur Víkings gegn Stjörnunni.
Lestu um leikinn: Víkingur R. 3 - 2 Stjarnan
Elías skoraði fyrstu tvö mörk Víkings í kvöld og er nú kominn með þrjú mörk í deildinni eftir fyrstu þrjá leikina. Hann er leikmaður umferðarinnar.
Þú ert heldur betur kominn í stand.
„Já, ég ætla rétt að vona það. Það er mikilvægt fyrir framherja að skora mörk. Það er mikilvægt fyrir liðið að skora. Við erum með það flott lið, fullt af gaurum sem geta skorað, búið til færi fyrir mann. Það er geggjað að vera í þessu liði.“
Mörkin sem Elías skoraði eru hér að neðan en viðtalið við hann má sjá í heild sinni í spilaranum hér að ofan.
Elías Már skoraði tvö í sigrinum gegn Stjörnunni! ???? #bestadeildin pic.twitter.com/arju3GW8QQ
— Besta deildin (@bestadeildin) April 23, 2026
Sterkustu leikmenn:
2. umferð - Vuk Oskar Dimitrijevic (Fram)
1. umferð - Emil Atlason (Stjarnan)
