John Chibuike kom Falkenberg yfir snemma leiks en á 21. mínútu fékk Norrköping víti og skoraði Christoffer Nyman örugglega úr spyrnunni. Hann fiskaði svo sjálfur annað víti ellefu mínútum síðar og bætti hann þar við öðru marki.

Tveimur mínútum síðar fékk Norrköping þriðja vítið og fullkomnaði Nyman þar þrennu sína. Ishaq Abdulrazak gulltryggði svo sigurinn í síðari hálfleik og lokatölur 4-1.

Ísak spilaði allan leikinn í liði Norrköping sem er nú í fimmta sæti með 43 stig þegar tvær umferðir eru eftir en liðið er aðeins tveimur stigum á eftir Djurgården og Häcken.

Oskar Sverrisson kom þá inná sem varamaður á 81. mínútu í 1-1 jafntefli Häcken gegn Gautaborg í dag.