Thomas Tuchel, stjóri Chelsea, segist ætla að íhuga það að nota bandaríska landsliðsmanninn Christian Pulisic sem vængbakvörð í framtíðinni.
Pulisic kom til Chelsea fyrir tveimur árum og hefur náði að spila sinn inn í byrjunarliðið.
Meiðsli hafa aðeins sett strik í reikninginn en Tuchel er þakklátur fyrir að hafa hann enda getur hann spilað margar stöður framarlega á vellinum og jafnvel í bakverði ef þess þarf.
Pulisic spilaði reglulega vængbakvörð hjá Dortmund og vonast Tuchel til að geta notað hann eitthvað í þeirri stöðu.
„Hann getur spilað hvaða stöðu sem er þarna fremst. Hann getur spilað sem nía og sem hreinræktaður framherji og á báðum köntunum," sagði Tuchel
„Hann spilaði mjög vel með Dortmund í vængbakverði og ef við viljum sækja aðeins meira þá væri hentugt að nota hann þar."
Athugasemdir
