Toni Kroos, miðjumaður Real Madrid á Spáni, svaraði spurningum fjömiðla á blaðamannafundi fyrir leikinn gegn Atalanta í gær en þar var hann meðal annars spurður út í þá Erling Braut Haaland og Kylian Mbappe.

Real Madrid mætir Atalanta í 16-liða úrslitum Meistaradeildar Evrópu í kvöld en fjölmiðlar höfðu þó meiri áhuga á að vita hans skoðun á Haaland og Mbappe.

Báðir framherjarnir hafa verið að spila vel upp á síðkastið og eru að mati margra bestu framherjar heims en þeir hafa báðir verið orðaðir við Real Madrid.

Þegar Kroos var spurður út í hvorn leikmanninn hann myndi vilja þá var svarið hans einfalt: „Benzema."

„Þetta eru tveir mjög svo góðir leikmenn og geta hjálpað hvaða liði sem er. Vandamálið er hins vegar að þeir geta ekki hjálpað mér í kvöld því ég er einbeittur á að spila þennan leik. Þessi spurning er fyrir Florentino Perez," sagði Kroos í lokin.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit