Brynjar, sem kom frá Haukum á síðasta ári, skoraði fyrsta mark leiksins á 2. mínútu en Eyþór Atli Guðmundsson jafnaði fimmtán mínútum síðar. Ólafur Sveinmar Guðmundsson kom KÁ í forystu áður en hálfleikurinn var úti og bætti Brynjar við öðru marki sínu snemma í síðari hálfleiknum.

Kristján Hermann Þorkelsson kom KB aftur inn í leikinn á 52. mínútu en KÁ náði að drepa leikinn undir lokin. Brynjar fullkomnaði þrennu sína áður en Þórir Eiðsson gulltryggði sigurinn.

Álftanes lagði þá RB, 2-1, í riðli 6. Reynir Þór Valsson kom RB yfir á 38. mínútu áður en Ísak Óli Ólafsson jafnaði um miðjan síðari hálfleikinn.

Þegar níu mínútur voru eftir af venjulegum leiktíma tryggði Hreiðar Ingi Ársælsson Álftnesingum sigurinn með marki úr vítaspyrnu.

Úrslit og markaskorarar:

Riðill 1:

KÁ 5 - 2 KB
1-0 Brynjar Bjarkason ('2 )
1-1 Eyþór Atli Guðmundsson ('17 )
2-1 Ólafur Sveinmar Guðmundsson ('45 )
3-1 Brynjar Bjarkason ('52 )
3-2 Kristján Hermann Þorkelsson ('57 )
4-2 Brynjar Bjarkason ('86 )
5-2 Þórir Eiðsson ('90 )

Riðill 6:

RB 1 - 2 Álftanes
1-0 Reynir Þór Valsson ('39 )
1-1 Ísak Óli Ólafsson ('68 )
1-2 Hreiðar Ingi Ársælsson ('81 , Mark úr víti)