„Sadio verður í hópnum. Þetta er ekki tímapunktur fyrir hann til að byrja. Hann hefur tekið tvær fullar æfingar með liðinu. Hann verður í hópnum og verður til taks og það er gleðiefni," segir Julian Nagelsmann, stjóri Bayern.

Bayern er í toppsætinu á markatölu, liðið er með 43 stig líkt og Borussia Dortmund og Union. Bæjarar töpuðu gegn Borussia Mönchengladbach í síðustu viku og hafa aðeins unnið tvo af sex deildarleikjum á þessu ári.

„Union er mjög heilsteypt lið og var að slá Ajax út úr Evrópudeildinni. Þeir spila upp á að særa þig úr skyndisóknum og þetta verður erfiður leikur," segir Nagelsmann.

Leikur Bayern München og Union Berlín verður klukkan 16:30 á sunnudaginn.