Renard greindi frá þessari ákvörðun sinni á samfélagsmiðlum en þar segir hún jafnframt að hún sé ósátt við það hvernig sé staðið að málum hjá franska landsliðinu.

Hin 32 ára gamla Renard er gríðarlega öflugur miðvörður og ein sú besta í sinni stöðu í heiminum. Hún á að baki 142 landsleik fyrir þjóð sína.

„Ég elska Frakkland meira en nokkuð annað. Ég er ekki fullkomin, langt frá því, en ég get ekki lengur stutt núverandi kerfi sem er langt frá því sem krafist er á hæsta stigi. Þetta er sorglegur dagur en nauðsynlegur til að varðveita andlega heilsu mína," skrifar Renard í færslu sinni.

Það er talað um það í frönskum fjölmiðlum að líklega sé Renard ósátt við þjálfarann Corinne Diacre. Þeim hefur áður lent saman.

Sjá einnig:
„Drekinn" sem gefur engan afslátt - Þjálfaði karlalið í þrjú ár