Ole Gunnar Solskjær, stjóri Manchester United, hefur staðfest það að hann ætli að gefa leikmönnum liðsins stutt frí þegar enska úrvalsdeildina klárast og áður en Evrópudeildin fer í gang á ný.
Pep Guardiola, stjóri Manchester City, hefur ákveðið að gefa sínu liði ekki frí fyrir leikinn gegn Real Madrid í Meistaradeildinni en Solskjær ætlar hins vegar að hleypa mönnum í nokkurra daga slökun eftir leikinn gegn Leicester á sunnudaginn kemur.
Tap United gegn Chelsea í undanúrslitum FA bikarsins þýðir það að liðið spilar ekki á laugardeginum eftir viku á Wembley og þá vann liðið öruggan 5-0 sigur á LASK í fyrri leik liðanna í Evrópudeildinni áður en Evrópudeildin fór í pásu.
„Við gefum strákunum frí. Framlag þeirra hefur verið frábært og þeir þurfa smá tíma burt af æfingasvæðinu til þess að hreinsa hugann og hlaða batteríin," sagði Ole.
United mætir LASK í Þýskalandi þann 5. ágúst.
Athugasemdir