Heung-Min Son, fyrirliði Tottenham, var að jafna metin í 1-1 gegn Arsenal á Emirates og það eftir frábært framtak enska landsliðsmannsins James Maddison.
Tottenham sótti að marki og átti Brennan Johnson tvö færi áður en boltinn fór til Maddison á vinstri vængnum.
Englendingurinn tók skemmtilega gabbhreyfingu, sneri á Saka áður en hann kom boltanum inn í teiginn á Son sem setti boltann í stöng og inn. Gott jöfnunarmark hjá Tottenham.
Sjáðu markið hjá Tottenham
West Ham var þá að jafna gegn Liverpool á Anfield. Jarrod Bowen gerði markið með góðum skalla upp við stöngina og inn, en hann stakk sér fram fyrir Virgil van Dijk, sem var allt of seinn að bregðast við.
Sjáðu skallann hjá Bowen
Staðan í hálfleik:
Arsenal 1 - 1 Tottenham
1-0 Cristian Romero ('26 , sjálfsmark)
1-1 Son Heung-Min ('42 )
Brighton 1 - 1 Bournemouth
0-1 Dominic Solanke ('25 )
1-1 Milos Kerkez ('45 , sjálfsmark)
Chelsea 0 - 0 Aston Villa
Liverpool 1 - 1 West Ham
1-0 Mohamed Salah ('16 , víti)
1-1 Jarrod Bowen ('42 )
Athugasemdir
