Landsliðskonan Hlín Eiríksdóttir spilaði í 5-1 stórsigri Leicester á Ipswich í WSL-deildabikarnum í kvöld.
Framherjinn byrjaði á bekknum en lék síðasta hálftímann í þessum þægilega sigri.
Hlín, sem gekk í raðir Leicester frá Kristianstad í byrjun ársins, bíður enn eftir fyrsta markinu með enska liðinu, en hún hefur leikið fimmtán leiki í deild- og bikar án þess að skora.
Sigurinn í kvöld kom Leicester á toppinn í D-riðli en næsti bikarleikur liðsins er gegn London City Lionesses þann 19. október og sá síðasti gegn Crystal Palace þann 23. nóvember. Sigurvegari riðilsins fer áfram í 8-liða úrslit.
Leicester er þá í 8. sæti WSL-deildarinnar með 3 stig eftir þrjá leiki.
Athugasemdir
