Matthías Vilhjálmsson skoraði sitt fyrsta mark fyrir Víking í Bestu deildinni.
Nú stendur yfir leikur KA og Víkings í Bestu deildinni og gestirnir eru yfir á Akureyri þegar þessi frétt er skrifuð. Matthías Vilhjálmsson skoraði strax á þriðju mínútu, hans fyrsta mark fyrir Víking í Bestu deildinni.
„Jajalo sendir boltann beint í lappirnar á Nikolaj. Boltinn fer yfir á Birni Snæ sem setur boltann fyrir á Matthías og eftirleikurinn auðveldur," skrifaði Jóhann Þór Hólmgrímsson í beinni textalýsingu frá leiknum.
„Jajalo sendir boltann beint í lappirnar á Nikolaj. Boltinn fer yfir á Birni Snæ sem setur boltann fyrir á Matthías og eftirleikurinn auðveldur," skrifaði Jóhann Þór Hólmgrímsson í beinni textalýsingu frá leiknum.
Kristijan Jajalo var settur í mark KA eftir að Steinþór Már Auðunsson, Stubbur, gerði keimlík mistök í síðustu umferð, gegn Breiðabliki. Hann gaf þá boltann beint á Gísla Eyjólfsson og braut síðan á honum í kjölfarið og vítaspyrna var dæmd.
Markverðir KA eru því heldur betur búnir að gera afdrifarík mistök upp á síðkastið.
Tveir leikir eru í Bestu deildinni í kvöld en klukkan 19:15 hefst leikur Breiðabliks og Vals í Kópavogi.
Jajalo gerði slæm mistök.
Athugasemdir
