„Mér líður bara illa. Þetta er orðið ansi súrt.“ sagði Gunnar Magnús Jónsson, þjálfari Fylkis, eftir sjöunda tap Fylkis í röð í deildinni.
Lestu um leikinn: Þróttur R. 1 - 0 Fylkir
Gunnar telur að gæðin á seinasta þirðjungnum hafi ekki veirð til staðar í dag.
„Þetta var barningsleikur. Hann spilaðist mikið á milli vítateiga. Bæði lið fengu ekki mörg opin færi. Við vorum oft að koma okkur í góðar stöður en þá vantaði bara gæðin á seinasta þriðjungnum að skapa okkur fleiri færi.“
Tapleikurinn í dag var sjöundi tapleikur Fylkis í röð í deildinni.
„Jújú takk fyrir að minna mig á það að það séu komnir 7 leikir. Já þetta svíður. Það er aldrei gaman að tapa fótboltaleik. Við erum ekki brotnar. Við höldum áfram og þurfum að þjappa okkur saman, það er bara næsti leikur. Það styttist alltaf í næsta sigur.“
Eva Rut, fyrirliði Fylkis, fór meidd af velli í dag en Gunnar segir að hún hafi spilað lengur í dag en hún átti í raun og veru að gera.
„Hún var tæp fyrir þennan leik og fyrir norðan líka. Hún á í við smá meiðslum. Við píndum hana aðeins og spiluðum henni lengur en við ætluðum okkur að gera.“
Gunnar fékk gult spjald undir lok leiks fyrir mótlæti en hann segir að það féll nánast ekkert sáatriði með þeim í dag.
„Það er lítið eftir og púlsinn er orðinn hár, maður verður að lifa sig inn í leikinn. Til að vera augljós hérna þá var á maður ekkert að vera að kvarta yfir einhverju innkasti. Hvert smáatriði skiptir samt máli og að þau falli fyrir okkur, mér fannst slíkt ekki falla fyrir okkur í dag. En svona er bara boltinn.“
Viðtalið við Gunnar í heild sinni má sjá í spilaranum hér að ofan.