25.06.24 - 11:30
Brynjar Ingi Erluson
Snýr Coman aftur heim í PSG?
Mynd: Getty Images
Mynd: Getty Images
Franska félagið Paris Saint-Germain hefur rætt við Bayern München um möguleg kaup á franska vængmanninum Kingsley Coman, en það er Sky Sports sem greinir frá þessum tíðindum.
Coman, sem er uppalinn í PSG, varð deildarmeistari með liðinu í tvígang áður en hann fór til Juventus á frjálsri sölu árið 2014.
Síðustu níu ár hefur hann spilað með Bayern München í Þýskalandi en nú er hann líklega á heimleið.
Sky greinir frá því að PSG hafi verið í sambandi við Bayern vegna Coman.
Bayern ætlar að hrista upp í hópnum í sumarglugganum og er Coman einn af þeim leikmönnum sem mega fara.
Þessi 28 ára gamli vængmaður á 57 landsleiki og 8 mörk að baki fyrir franska landsliðið. Hann er í franska landsliðshópnum sem tekur nú þátt á EM, en hann kom einmitt við sögu í markalausa jafnteflinu gegn Hollandi í síðustu umferð.
Síðustu níu ár hefur hann spilað með Bayern München í Þýskalandi en nú er hann líklega á heimleið.
Sky greinir frá því að PSG hafi verið í sambandi við Bayern vegna Coman.
Bayern ætlar að hrista upp í hópnum í sumarglugganum og er Coman einn af þeim leikmönnum sem mega fara.
Þessi 28 ára gamli vængmaður á 57 landsleiki og 8 mörk að baki fyrir franska landsliðið. Hann er í franska landsliðshópnum sem tekur nú þátt á EM, en hann kom einmitt við sögu í markalausa jafnteflinu gegn Hollandi í síðustu umferð.
