Jose Mourinho, stjóri Tottenham, er skemmtilegur persónuleiki sem er með tölfræðina á hreinu. Hann var á blaðamannafundi fyrir lokaumferð úrvalsdeildarinnar spurður hvort hann sé ennþá talinn heimsklassa stjóri.

Spurs endar í 6. eða 7. sæti deildarinnar, liðið mætir Crystal Palace á morgun og þarf að vonast til að annað hvort Wolves tapi stigum gegn Chelsea eða að Arsenal tapi úrslitaleik enska bikarsins til að ná Evrópudeildarsæti.

„Ef þetta snýst um einstaklinga og mína nálgun sem einstakling þá er ég í fjórða sæti í deildinni," sagði Mourinho.

„Ef ég þarf að sýna eitthvað þá skal ég reyna það. Ég kom þegar Spurs var í 14. sæti og átta stigum á eftir Arsenal. Ef tímabilið hefði byrjað þá væri þetta ekkert vesen. Ef þið viljið hlæja með mér þá er ég meistari síðustu fimm leikja."

„Mér finnst við á leið í rétta átt, vel skipulagðir og tökum þetta skref fyrir skref. Við þurfum að halda okkar leikmönnum og aðeins bæta við," sagði Mourinho um framþróun liðsins.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit