„Frábær sigur og fínn leikur af okkar hálfu. Ég er mjög sáttur," sagði Ólafur Jóhannesson, þjálfari FH, eftir 3-0 sigur gegn ÍA í Pepsi Max-deildinni í dag.

Lestu um leikinn: ÍA 0 -  3 FH

„Þeir voru undan vindi í fyrri hálfleik og það er ekki óeðlilegt að við þurfum að verjast þá aðeins. Það voru nokkrir boltar sem duttu í teignum okkar lausir en við náðum að hreinsa. Það var frábært að gera mark í fyrri hálfleik og fara með það inn."

FH komst í 1-0 með marki úr vítaspyrnu og Steven Lennon skoraði svo aftur úr víti snemma í seinni hálfleiknum.

„Mér fannst við vera með mikla yfirburði í seinni hálfleik... ég verð að viðurkenna að ég sá hvorugt vítið. Ég er búinn að spyrja leikmenn mína og þeir segja að þetta hafi verið 100 prósent víti. Ég sá það ekki."

FH er búið að fjarlægjast fallsvæðið eftir tvo sigra í röð í deildinni.

„Við teljum búa meira í þessu liði en hefur verið sýnt hingað til. Það eru ágætis framfarir hjá okkur núna."

„Við erum með okkar markmið og vinnum eftir því. Það þýðir ekki að fara fram úr sér."

Hægt er að sjá allt viðtalið hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit