Fulham hefur gengið frá því að fá Manor Solomon á eins árs „lánssamningi" frá úkraínska félaginu Shakhtar Donetsk. Solomon nýtti sér ákvæði FIFA sem frystir samning hans við Shakhtar um eitt ár vegna stríðsástandsins í Úkraínu.
Solomon er 22 ára ísraelskur landsliðsmaður og er þriðji leikmaðurinn sem Fulham fær í sínar raðir í sumar. Hann er sóknarsinnaður miðjumaður sem getur einnig spilað á vængjunum.
Solomon er 22 ára ísraelskur landsliðsmaður og er þriðji leikmaðurinn sem Fulham fær í sínar raðir í sumar. Hann er sóknarsinnaður miðjumaður sem getur einnig spilað á vængjunum.
Áður höfðu þeir Joao Palhinha (frá Sportingþ) og Andreas Pereira (frá Manchester United) gengið í raðir félagsins. Solomon skoraði fjögur mörk í 24 leikjum í öllum keppnum á síðasta tímabili með Shakhtar.
Solomon lék með ísraelska landsliðinu á móti því íslenska í síðasta mánuði. Liðin mættust heima og að heiman í Þjóðadeildinni.
Það styttist einnig í að Kevin Mbabu verði kynntur nýr leikmaður Fulham. Hægri bakvörðurinn er að koma frá Wolfsburg og greiðir Fulham um 6,5 milljónir punda fyrir hann.
Athugasemdir
