Antonio Conte stjóra Tottenham lýst ekkert á blikuna eftir tap liðsins í kvöld gegn Mura í Sambandsdeildinni.
Leiknum lauk með 2-1 sigri Mura en slóvenska liðið komst yfir í uppbótartíma. Ryan Sessegnon lét reka sig útaf eftir rúmlega hálftíma leik með sitt annað gula spjald.
Conte sagði í gær að hann væri mjög spenntur að sjá Sessegnon spila.
Conte hefur ekki verið lengi við stjórnvölin en hann var eðlilega ekki sáttur í leikslok.
„Ég er farinn að átta mig á ástandinu eftir þessar þrjár vikur sem ég hef verið hér. Þetta er ekki einfalt, á þessum tímapunkti er Tottenham ekki í háum gæðaflokki. Ég er ánægður hér en við þurfum að leggja hart að okkur til að bæta gæði liðsins," sagði Conte.
Athugasemdir