Crystal Palace er búið að staðfesta félagaskipti Malcolm Ebiowei sem byrjar að æfa með félaginu 1. júlí.
Ebiowei er 18 ára kantmaður sem rennur út á samningi hjá Derby um mánaðarmótin og ætlar ekki að framlengja við C-deildarliðið.
Manchester United er meðal þeirra félaga sem buðu Ebiowei samning í vor en táningurinn valdi að skipta yfir til Crystal Palace þar sem hann mun spila undir stjórn Patrick Vieira.
Ebiowei kom við sögu í fimmtán leikjum í Championship deildinni á síðustu leiktíð. Hann hefur komið víða við þrátt fyrir ungan aldur og var partur af akademíunum hjá Chelsea, Arsenal og Rangers áður en hann skipti til Derby.
Ebiowei, sem á leiki að baki fyrir unglingalandslið Hollands og Englands, skrifar undir fimm ára samning við Palace þar sem hann getur lært af skemmtilegum kantmönnum á borð við Wilfried Zaha og Eberechi Eze.
