Juventus vann sinn fyrsta æfingaleik á undirbúningstímabilinu, 3-1 gegn Cesena.
Max Allegri er tekinn aftur við Juventus og hann var með skýr skilaboð til miðjumannsins Weston McKennie í leiknum.
McKennie skoraði fallegt mark í leiknum og Allegri er með kröfur til leikmannsins. Hann lét hann vita af þeim um leið og hann skoraði. Fjölmiðlamenn tóku eftir.
„Þú verður að skora tíu mörk á tímabilinu," gargaði Allegri inn á völlinn í áttina að McKennie.
McKennie er bandarískur miðjumaður sem kom til Juventus frá Schalke fyrir síðasta tímabil. Á sínu fyrsta tímabili með ítalska stórliðinu tókst honum að skora sex mörk í 46 leikjum. Allegri vill fá meira frá honum.
Athugasemdir
