Napoli er búið að staðfesta félagaskipti tveggja leikmanna sem munu leika með félaginu næstu árin.
Vinstri bakvörðurinn Mathias Olivera kemur frá Getafe fyrir um 15 milljónir evra. Hann á að fylla í skarðið sem Faouzi Ghoulam skilur eftir sig og mun berjast við Mario Rui um sæti í byrjunarliðinu.
André-Frank Zambo Anguissa er þá kominn frá Fulham eftir að hafa gert flotta hluti á lánssamningi. Napoli borgar aðrar 15 milljónir fyrir miðjumanninn sem lék 30 leiki með liðinu á leiktíðinni.
Fulham var með sterkan hóp og vann Championship deildinna á Englandi nokkuð þægilega. Zambo Anguissa er ekki eini miðjumaðurinn sem fer frá félaginu því Jean Michaël Seri er samningslaus og fer því frítt.
Seri, sem verður 31 árs í sumar, var keyptur til Fulham sumarið 2018 fyrir metfé en stóðst ekki væntingar. Á sínum tíma var Seri eftirsóttur af Chelsea og Barcelona en endaði hjá Fulham. Seri var gjarnan kallaður 'Xavi Fílabeinsstrandarinnar'.
Napoli endaði í þriðja sæti ítölsku deildarinnar í ár, sjö stigum á eftir toppliði AC Milan.
Brasilíski varnarmaðurinn Juan Jesus var einnig að framlengja samning sinn við félagið um eitt ár.
