Dominik Szoboszlai miðjumaður Liverpool hefur komið gríðarlega sterkur inn í liðið frá því hann gekk til liðs við félagið frá RB Leipzig í sumar.
Liverpool hefur þurft að byggja upp nýja miðju á þessari leiktíð eftir að Jordan Henderson og Fabinho yfirgáfu félagið rétt eins og James Milner.
Szoboszlai, Wataru Endo og Alexis Mac Allister hafa komið virkilega sterkir inn í liðið og unnu sinni fyrsta bikar um síðustu helgi eftir sigur á Chelsea í úrslitum deildabikarsins. Szoboszlai var þó ekki með vegna meiðsla.
Jorg Schmadtke, yfirmaður fótboltamála hjá Liverpool, var ekki mjög hrifinn af verðmiðanum á Szoboszlai.
„Við keyptum Dominik Szoboszlai fyrir 70 milljónir evra frá RB Leipzig og þá sagði ég að hann væri of dýr. Ef maður horfir á þetta í dag þá var það rangt mat hjá mér. Hann hefur verið mikilvægur frá fyrsta degi," sagði Schmadtke
