Þorlákur Árnason.
Bjarki Björn átti mjög öflugan leik.
„Ég var hérna í átta ár og geggjað að koma til baka, frábær leikur hjá ÍBV liðinu í dag," sagði Þorlákur Árnason, þjálfari ÍBV, eftir 3-2 útisigur liðsins gegn Stjörnunni.
Þetta var þriðji sigurleikur ÍBV í röð, ef bikarinn er tekinn með, og liðið átti flottan leik í Garðabænum. ÍBV komst í 2-0 en Stjarnan minnkaði muninn eftir aukaspyrnu sen Láki var alls ekki sáttur við að fá á sig.
Þetta var þriðji sigurleikur ÍBV í röð, ef bikarinn er tekinn með, og liðið átti flottan leik í Garðabænum. ÍBV komst í 2-0 en Stjarnan minnkaði muninn eftir aukaspyrnu sen Láki var alls ekki sáttur við að fá á sig.
Lestu um leikinn: Stjarnan 2 - 3 ÍBV
„Mér fannst við vera með leikinn í höndunum þegar þeir fá ótrúlega ódýra aukaspyrnu sem þeir skora upp úr. Maður var pirraður yfir því og fannst dómarinn bara koma þeim inn í leikinn," sagði Láki sem fékk gult spjald í hálfleik. Hann sagði dómarana ekki hafa viljað hlusta neitt á sig.
„Ég fékk ekkert að tjá mig, aðstoðardómarinn sagði mér að drulla mér bara í burtu. Ég tek það á mig, ég ætlaði að tjá mig en náði því ekki."
Gott að vera einangraður á þessari eyju
Maður leiksins var Bjarki Björn Gunnarsson, sem skoraði stórglæsilegt mark, og var að auki hreinlega stórskemmtilegur allan leikinn.
„Bjarki Björn var besti maður vallarins í dag. Hann er í hlutverki sem hentar honum gríðarlega vel og er bara frábær leikmaður," segir Láki.
Hann hrósar karakternum í markverði sínum, Marcel Zapytowski, sem gerði hræðileg mistök í fyrra marki Stjörnunnar en lét það ekki slá sig út af laginu og átti flottar vörslur eftir mistökin.
Eins og áður segir þá er ÍBV búið að vinna þrjá leiki í röð (gegn Víkingi, Fram og Stjörnunni) en það er eitthvað sem sparkspekingar sáu alls ekki í kortunum.
„Það er gott að vera einangraður á þessari eyju og maður er ekki mikið að spá í því hvað aðrir eru að segja um mann. Eyjamenn þekkja að hafa fyrir öllu í lífinu og það truflar okkur ekki neitt," segir Láki.
Í viðtalinu ræðir hann meðal annars um næsta leik gegn Vestra og segir að Eyjamenn séu ekki líklegir til að gera neinar breytingar á gluggadeginum sem er á morgun.
Athugasemdir
