Á einu og hálfu tímabili með City kom hann einungis við sögu í 31 leik. Í janúar var hann svo lánaður til West Ham þar sem hann kom við sögu í tíu leikjum og náði ekki að sýna sínar bestu frammistöður.

Hann var fastamaður í enska landsliðshópnum í nokkuð langan tíma en missti sætið sitt í vetur og fer ekki með á EM í sumar.

Hann var orðaður við Leeds síðustu vikurnar en þar sem félagið komst ekki upp í úrvalsdeildina eru líkurnar orðnar minni á því að hann snúi aftur til Leeds.

Í dag er hann orðaður við Everton sem átti gott tímabil í úrvalsdeildinni og hélt sér sannfærandi uppi þrátt fyrir stigafrádrátt. Ef Phillips fer til Everton verður það líklegast að láni.