Liverpool vann Arsenal í ensku úrvalsdeildinni í kvöld en leiknum lauk með 3-1 sigri gestanna.
Harry Kewell, fyrrverandi leikmaður Liverpool, spjallaði við þá Eið Smára Guðjohnsen og Tómas Þór Þórðarsson á Síminn Sport í kvöld.
Harry Kewell, fyrrverandi leikmaður Liverpool, spjallaði við þá Eið Smára Guðjohnsen og Tómas Þór Þórðarsson á Síminn Sport í kvöld.
„Við vitum að Arsenal er að reyna gera eitthvað annað. En í dag mættu þeir Liverpool liði sem tók yfir leikinn strax í byrjun. Hvernig þeir pressuðu og héldu Arsenal á sínum eigin vallarhelmingi. Þeir létu Arsenal líta barnalega út á köflum," sagði Kewell.
„Mér finnst ótrúlegt hvers vegna lið reyna að spila úr vörninni gegn Mane, Salah og Firmino. Að mínu mati á bara að koma boltanum eins langt í burtu frá eigin marki og hægt er og reyna ða gera eitthvað ofarlega á vellinum."
Eiður Smári sagði þá að hann og Tómas hafi einmitt verið að ræða þetta í settinu eftir leikinn.
„Hvers vegna ætti Arsenal liðið að fara á Anfield að halda að þeir geti spilað frá eigin markteig og verið svo góðir að þeir geti spilað sig í gegnum pressuna, alla leið upp að marki Liverpool og skapað færi?" sagði Eiður.
„Ég er hissa. Ég skil að menn vilji spila frá vörninni, það er flott. Ég horfi á Liverpool og það eru bókstaflega sex leikmenn ofarlega á vallarhelmingi Arsenal, að bíða eftir því að Arsenal byrji að spila svo þeir geti ráðist á þá. Þeir pressa svo hratt og með mikillri orku sem endar með að Arsenal missir boltann og Liverpool spilar á milli sín og leitar að færi. Þú setur svo mikla pressu á vörnina þína þegar þú reynir að spila frá markmanni gegn Liverpool," sagði Kewell.
Liverpool skoraði sitt 400 mark í ensku úrvalsdeildinni undir stjórn Jurgen Klopp í kvöld en hann tók við liðinu fyrir tæpum fimm árum síðan.
Hvorki @Eidur22Official né @HarryKewell skildu hvorki upp né niður í því að Arsenal reyndi að spila svona mikið út frá markverði. Tveir góðir ræddu saman með @tomthordarson eftir leik Liverpool og Arsenal í kvöld. pic.twitter.com/J2CNH8Qx8a
— Síminn (@siminn) September 28, 2020
Athugasemdir