Terzic sagður á blaði United en ekki Xavi

Terzic er fyrrum stjóri Dortmund, hætti þar í sumar eftir að hafa sinnt nokkrum störfum hjá félaginu síðan 2018. Þjóðverjinn er ekki einn af tíu líklegustu kandídötunum samkvæmt veðbönkum.

Xavi, fyrrum leikmaður og stjóri Barcelona, var allavega einn af tíu líklegustu kandídötunum en Richard Martin hjá Goal fullyrðir að hann komi ekki til greina í starfið.

Sky Sports fjallar um að United sé að vinna með u.þ.b. fimm manna lista yfir þá sem gætu tekið við liðinu. Sagt er að með því að hafa Van Nistelrooy í brúnni til bráðabirgða sé stjórnin að búa sér til svigrúm til þess að vanda valið á næsta stjóra.