Margir hafa kallað eftir því að Kane yfirgefi Tottenham og fari í stórlið sem vinnur titla. Kane verður 28 ára gamall á árinu en hann hefur enn ekki unnið einn einasta titil á ferlinum.

Kane, sem er 28 ára, er á samning hjá Spurs til ársins 2024 en hann er að fara spila í úrslitaleik deildabikarins með Spurs gegn Manchester City í næsta mánuði.

Þar sem ekki er víst hvort Tottenham náði Meistaradeildarsæti á næstu leiktíð, og að það teljist ólíklegt að liðið verði í baráttunni um sigur í ensku deildinni í náinni framtíð, þá þarf Kane að ákveða hvort hann verður áfram hjá uppeldisfélagi sínu eða leiti á önnur mið.

„Ef Harry Kane vill vinna titla, þá er útlit fyrir að hann þurfi að fara. Ég held að það verði ekki auðvelt fyrir hann að fara og hann gæti verið að hugsa um að verða markahæsti leikmaður í sögu félagsins," sagði Defoe við Talksport en hann spilar núna með Rangers í Skotlandi.

„Hann getur vonandi unnið titla en ef honum langar virkilega í medalíur þá verður hann að fara."