Ítalska félagið Atalanta er búið að krækja í danska táninginn Rasmus Höjlund frá Sturm Graz í Austurríki.
Höjlund er aðeins 19 ára gamall en búinn að skora 12 mörk og gefa 4 stoðsendingar í 21 leik með Sturm Graz.
Sóknarmaðurinn er uppalinn hjá Kaupmannahöfn, hann er rúmlega 190cm á hæð og er kallaður 'nýi Haaland'. Hann er sagður vera með svipaðan hlaupastíl og hinn hávaxni Haaland og er mjög góður að koma sér í góðar stöður í vítateignum.
Atalanta borgar á milli 15 og 20 milljón evrur fyrir Höjlund sem er búinn að skrifa undir fimm ára samning. Táningurinn mun berjast við Duvan Zapata og Luis Muriel um sæti í skemmtilegri sóknarlínu.
Hann á 25 leiki að baki fyrir yngri landslið Danmerkur en hefur aðeins skorað þrjú mörk í þeim.
It's Højlund, 𝐰𝐢𝐭𝐡 𝐭𝐡𝐞 Ø#BenvenutoHøjlund #GoAtalantaGo ⚫️🔵 pic.twitter.com/aav9IocQfP
— Atalanta B.C. (@Atalanta_BC) August 27, 2022