Douglas Costa, leikmaður Bayern Munchen, verður ekki áfram hjá félaginu á næstu leiktíð samkvæmt fregnum dagsins.
Costa er í láni hjá Bayern frá Juventus en hann var einnig á mála hjá þýska liðinu frá 2015 til ársins 2018.
Costa hefur ekki náð að festa sig í sessi undir Hansi Flick og hefur aðeins leikið 11 deildarleiki á tímabilinu.
Bayern hefur tekið ákvörðun um að senda Brasilíumanninn til baka í sumar en hann virðist heldur ekki eiga framtíð fyrir sér hjá Juventus.
Samningur leikmannsins rennur út á næsta ári og gæti Juventus reynt að selja í sumar frekar en að lána.
Athugasemdir
