Víkingar heimsóttu Breiðablik þegar flautað var til leiks í 14.umferð Bestu deildarinnar. Þessi leikur var færður fram til að skapa pláss fyrir leiki liðana í Evrópukeppni í sumar.
Lestu um leikinn: Breiðablik 1 - 1 Víkingur R.
„Geggjað stig. Ógeðslega erfiður leikur. Smá sjokk að fá að spila þennan leik." Sagði Pálmi Rafn Arinbjörnsson markvörður Víkinga sem varði markið þeirra í kvöld.
„Þetta kemur í raun bara upp í gær. Ingvar fær eitthvað högg á hné og þetta kom svolítið óvænt. Mér fannst við vera bara virklega flottir í þessum leik. Ógeðslega erfiðar aðstæður, stúkan klikkuð. Mér fannst við bara berjast helvíti vel fyrir stiginu og ég hafði alltaf trú á því að við myndum ná jöfnunarmarkinu og jafnvel tveimur þarna í lokin, við erum alltaf líklegir að skora."
Pálmi Rafn kom mjög óvænt inn í byrjunarlið Víkinga fyrir leikinn í kvöld í fjarveru Ingvars Jónssonar.
„Ég er bara búin að vera bíða eftir tækifæri og það var bara geggjað. Gerist ekki stærra en þetta á útivelli á móti Breiðablik. Auðvitað smá stress og svona en það er bara venjulegt. Þær hurfu alveg þegar að dómarinn flautaði til leiks."
Nánar er rætt við Pálma Rafn Arinbjörnsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 12 | 8 | 3 | 1 | 28 - 13 | +15 | 27 |
| 2. Valur | 12 | 7 | 4 | 1 | 30 - 15 | +15 | 25 |
| 3. Breiðablik | 11 | 8 | 1 | 2 | 26 - 13 | +13 | 25 |
| 4. ÍA | 10 | 5 | 1 | 4 | 20 - 14 | +6 | 16 |
| 5. Stjarnan | 12 | 5 | 1 | 6 | 24 - 24 | 0 | 16 |
| 6. FH | 10 | 4 | 2 | 4 | 18 - 20 | -2 | 14 |
| 7. Fram | 10 | 3 | 4 | 3 | 13 - 14 | -1 | 13 |
| 8. HK | 11 | 4 | 1 | 6 | 14 - 21 | -7 | 13 |
| 9. KR | 11 | 3 | 3 | 5 | 20 - 22 | -2 | 12 |
| 10. Vestri | 11 | 3 | 1 | 7 | 14 - 28 | -14 | 10 |
| 11. Fylkir | 10 | 2 | 1 | 7 | 15 - 27 | -12 | 7 |
| 12. KA | 10 | 1 | 2 | 7 | 14 - 25 | -11 | 5 |
