Íslenska drengjalandsliðið skipað leikmönnum 17 ára og yngri mætir Norður-Makedóníu í fyrsta leik þjóðanna í undankeppni Evrópumótsins í dag en riðillinn er spilaður hér á landi.
Ísland er í riðli með Eistlandi, Norður-Makedóníu og Spáni, og verða allir leikirnir spilaðir á AVIS-vellinum í Laugardal.
Íslenska liðið spilar fyrsta leikinn við Norður-Makedóníu og hefst hann klukkan 17:00 í dag. Íslenska liðið mætir síðan Eistlandi á laugardag og Spánverjum á þriðjudag.
Allir leikirnir í riðlinum verða jafnframt í beinni útsendingu og opinni dagskrá á KSÍ TV í Sjónvarpi Símans, sem er öllum aðgengilegt og ókeypis sem eru með internettengingu, einungis þarf að skrá notandaaðgang að Sjónvarpi Símans.
Leikir dagsins:
13.00 Spánn Eistland
17.00 Norður-Makedónía Ísland
Athugasemdir
