U19 landslið kvenna tapaði öðrum leiknum í röð í undankeppni fyrir Evrópumótið á næsta ári þegar það spilaði við Portúgal í gær.
Portúgölsku stelpurnar voru sterkari aðilinn og unnu 3-0 gegn Íslandi, eftir að Stelpurnar okkar höfðu tapað 2-1 fyrir Danmörku í fyrstu umferð.
Þrjú efstu lið riðilsins fara áfram á næsta stig undankeppninnar og því á Ísland enn mjög góða möguleika. Stelpurnar deila botnsæti riðilsins með Kósovó sem er þó með verri markatölu og því nægir jafntefli í lokaumferðinni til að enda ekki í neðsta sæti.
Kósovó tapaði 4-0 gegn Danmörku eftir 2-1 tap gegn Portúgal í fyrstu umferð.
Lokaleikurinn gegn Kósovó fer fram klukkan 15:00 á þriðjudaginn. Til að halda sæti sínu í A-deild og eiga möguleika á að komast í lokakeppni EM 2026 verða stelpurnar að forðast tap gegn Kósovó.
Athugasemdir
