Hoffenheim borgar 10 milljónir evra fyrir danska landsliðsmanninn sem hefur verið hjá Borussia Dortmund síðustu fimm ár.

Larsen er búinn að skrifa undir fjögurra og hálfs árs samning við Hoffenheim og mun hann leysa Jürgen Locadia af hólmi í leikmannahópnum. Locadia var kallaður aftur til Brighton fyrr í dag.

Bournemouth vildi fá Larsen til sín fyrr í janúar en ekkert varð úr skiptunum. Enska félagið vildi fá hann lánaðan á meðan Dortmund vildi frekar selja hann.

Larsen skoraði 3 mörk í 24 keppnisleikjum á síðustu leiktíð en hefur aðeins komið einu sinni við sögu á þessu tímabili.