Danski markvörðurinn Jonas Lössl er farinn aftur til Huddersfield frá Everton.
Lössl gekk í raðir Everton síðasta sumar og skrifaði þá undir samning til 2022. Hann hefur ekkert spilað með Everton á tímabilinu.
Lössl var aðalmarkvörður Huddersfield í tvö tímabil í ensku úrvalsdeildinni. Hann féll með liðinu á síðasta tímabili niður í Championship-deildina.
„Það þarf ekki að kynna Jonas fyrir stuðningsmönnum Huddersfield. Við erum mjög ánægðir að fá hann aftur," sagði Danny Cowley, stjóri Huddersfield, við heimasíðu félagsins.
Huddersfield er í 19. sæti ensku Championship-deildarinnar.
Athugasemdir
