BBC segir að Ighalo komi til United á sex mánaða lánssamningi. United hefur ekki samið við félag Ighalo í Kína, Shanghai Shenhua, um möguleika á kaupum á nígeríska sóknarmanninum næsta sumar.

Ighalo, sem er þrítugur, lék með Watford frá 2014 til 2017 og skoraði þá 36 mörk í 90 deildarleikjum. Tímabilið 2015/16 skoraði hann 15 mörk í 37 deildarleikjum í ensku úrvalsdeildinni.

Man Utd vildi fá inn sóknarmann út af meiðslum Marcus Rashford. Í morgun sendi United tilboð til Bournemouth í Joshua King, en því var hafnað. Því sneri félagið sér að Ighalo og er hann á leiðinni frá Kína.

Ighalo mun ferðast frá Kína til Manchester á næstu dögum.