Man City leiðir kapphlaupið um Musiala - Man Utd hefur áhuga á Toney - Arsenal endurskoðar áætlanir
banner
   sun 31. mars 2024 23:44
Brynjar Ingi Erluson
Keane um Haaland: Hann er næstum því eins og D-deildar leikmaður
Mynd: Getty Images
Írski sparkspekingurinn Roy Keane var ekki hrifinn af því sem hann sá frá Erling Braut Haaland í markalausa jafnteflinu gegn Arsenal í kvöld.

Keane gagnrýndi Haaland og almenna spil hans. Norðmaðurinn hafði ekki úr miklu að moða í leiknum og var þetta fremur rólegur dagur í þetta sinn.

Hann var ekkert að deila um ágæti Haaland fyrir framan markið enda einn sá besti í heiminum að klára færi, en segir að hann verði að bæta spil sitt.

„Almennt spil hans er svo slakt. Ekki bara í dag. Þegar hann er að klára sóknir með sköllum eða hvað sem það er og hann er fyrir framan markið þá er hann sá besti í heiminum, en hið almenna spil fyrir leikmann af þessari stærðargráðu er svo slakt. Hann verður að bæta þetta því hann lítur næstum því út eins og D-deildar leikmaður, þannig horfi ég á hann. Hann verður að bæta almenna spilið og það mun gerast á næstu árum,“ sagði Keane.
Athugasemdir
banner
banner