Það voru hörku leikir í Lengjudeildinni í kvöld. Dalvíkingar hafa fengið nokkur rauð spjöld í sumar og eitt til viðbótar leit dagsins ljós í kvöld. Liðið var manni færri frá 10. mínútu þegar Nikola Stojanvic fékk að líta rauða spjaldið fyrir harkalega tæklingu.
Gestirnir náðu ekki að nýta sér liðsmuninn því Dalvík/Reynir komst yfir eftir rúmlega klukkutíma leik þar sem Áki Sölvason skoraði úr vítaspyrnu.
Stuttu síðar var orðið jafnt í liðum þar sem Sæmundur Sven A Schepsky fékk að líta rauða spjaldið en hann var nýkominn inn á sem varamaður.
ÍR-ingar gáfust ekki upp og á lokamínútu venjulegs leiktíma tryggði Marteinn Theodórsson ÍR-ingum stig þegar hann skoraði eftir fyrigjöf.
Það var einnig dramatík í Keflavík þar sem heimamenn fengu Þórsara í heimsókn.
Heimamenn voru með 2-1 forystu í hálfleik en Aron Ingi Magnússon jafnaði metin eftir laglegan spilkafla hjá Þórsurum.
Kári Sigfússon tryggði Keflvíkingum dramatískan sigur þegar hann átti laglegt skot í fjærhornið og boltinn söng í netinu í uppbótatíma.
Dalvík/Reynir 1 - 1 ÍR
1-0 Áki Sölvason ('67 , víti)
1-1 Marteinn Theodórsson ('90 )
Rautt spjald: ,Nikola Kristinn Stojanovic, Dalvík/Reynir ('10)Sæmundur Sven A Schepsky, ÍR ('75) Lestu um leikinn
Keflavík 3 - 2 Þór
1-0 Oleksii Kovtun ('7 )
1-1 Rafael Alexandre Romao Victor ('16 )
2-1 Mihael Mladen ('33 )
2-2 Aron Ingi Magnússon ('63 )
3-2 Kári Sigfússon ('92 )
Lestu um leikinn
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 22 | 11 | 6 | 5 | 50 - 27 | +23 | 39 |
| 2. Keflavík | 22 | 10 | 8 | 4 | 37 - 24 | +13 | 38 |
| 3. Fjölnir | 22 | 10 | 7 | 5 | 34 - 28 | +6 | 37 |
| 4. Afturelding | 22 | 11 | 3 | 8 | 39 - 36 | +3 | 36 |
| 5. ÍR | 22 | 9 | 8 | 5 | 30 - 28 | +2 | 35 |
| 6. Njarðvík | 22 | 8 | 9 | 5 | 34 - 29 | +5 | 33 |
| 7. Þróttur R. | 22 | 8 | 6 | 8 | 37 - 31 | +6 | 30 |
| 8. Leiknir R. | 22 | 8 | 4 | 10 | 33 - 34 | -1 | 28 |
| 9. Grindavík | 22 | 6 | 8 | 8 | 40 - 46 | -6 | 26 |
| 10. Þór | 22 | 6 | 8 | 8 | 32 - 38 | -6 | 26 |
| 11. Grótta | 22 | 4 | 4 | 14 | 31 - 50 | -19 | 16 |
| 12. Dalvík/Reynir | 22 | 2 | 7 | 13 | 23 - 49 | -26 | 13 |
