Heimild: Sky Sport
Staðfest hefur verið að Palermo hefur lagt fram tilboð í Lucas Leiva miðjumann Liverpool. Talsmaður Palermo neitar þó alfarið að tilboðið hljóði upp á fimm milljónir punda líkt og slúðurblöðin í Bretlandi vilja meina.
Roy Hudgson, nýráðinn knattspyrnustjóri Liverpool, ætlar sér að gera breytingar á liðinu og gæti það þýtt að Lucas verði bolað burt.
Lucas vann sér inn byrjunarliðssæti í liði Liverpool á síðustu leiktíð eftir brottför Xabi Alonso en hefur verið mjög gagnrýndur.
,,Við höfum lagt fram tilboð í Lucas Leiva. Ég get þó neitað því að það hljóði upp á fimm milljónir punda, það er of há upphæð fyrir okkur." sagði Walter Sabatini yfirmaður íþróttamála hjá Palermo