,,Ég hefði sérstaklega viljað þrjú stig í tímamótaleik fyrir mig. Við þurfum að fara í algjöra naflaskoðun og athuga hvað við ætlum að fá út ur þessum leikjum sem eru eftir ef við ætlum að bjóða upp á þetta," sagði Guðmundur Steinarsson leikmaður Keflvíkinga svekktur eftir tap gegn Grindavík í kvöld.
Lestu um leikinn: Keflavík 1 - 2 Grindavík
,,Við erum að hlaupa mikið og berjast mikið en erum ekki að nýta baráttuna á réttum stöðum."
,,Okkur vantar að vinna þessa seinni bolta, vera á tánum og nýta þessa óvæntu hluti sem gefur yfirleitt mörk. Við vorum eins og fljúgandi skítakamrar út um allan völl og þetta gaf okkur ekki neitt."
Guðmundur Steinarsson bætti markamet Keflavíkur með því að skora í kvöld en fyrra metið átti faðir hans Steinar Jóhannsson. Guðmundur býst við að kíkja í kaffi til pabba gamla eftir að hafa náð metinu af honum.
,,Það verður öruglega bakkelsi og með því út sumarið hjá kallinum," sagði Guðmundur.
Hér að ofan má sjá viðtalið í heild sinni.
