„Þetta var mjög gaman. Það er alltaf jafn gaman að vinna bikar,“ sagði Hólmfríður Magnúsdóttir eftir að hafa orðið bikarmeistari með Val í dag.
Lestu um leikinn: KR 0 - 2 Valur
Hólmfríður lék áður með KR og varð bikarmeistari með Vesturbæjarliðinu en hún segir að það sé alltaf jafn gaman að vinna titla.
„Það er alltaf jafn gaman að vinna bikar og það var mjög gaman að vinna með Val í dag.“
Aðspurð segist Hólmfríður hafa verið ánægð með frammistöðu Valsliðsins.
„Já, já en við duttum svolítið niður í fyrri hálfleik og KR hefði getað jafnað þarna í lokin en við settum á þær snemma í seinni þannig að það var mjög ljúft.“
„Nei, í rauninni ekki en ég hafði smá áhyggjur þarna í svona 10 mínútur í fyrri hálfleik en við gírum okkur bara upp í seinni hálfleik.“
Hólmfríður varð síðast bikarmeistari með KR árið 2008 og er því komin með nokkrar medalíur í safnið þó hún muni ekki alveg hvað þær eru orðnar margar.
„Ég man það ekki alveg en man allavegana að ég varð bikarmeistari hérna 2008 með KR þannig að það eru nokkrar medalíur í safninu.“
