Berglind Arnardóttir fyrirliði FH var mjög sátt eftir að liðið tryggði sér sæti í efstu deild kvenna að ári með sannfærandi 14-1 samanlögðum sigri gegn erkifjendunum í Haukum.
„Við vorum alveg staðráðnar í því að komast upp aftur og við gerðum það, og gerðum það vel. Við erum búnar að vinna alla leikina okkar og við ætlum að halda því áfram og vinna síðasta leikinn sem er á laugardaginn,“ sagði Berglind við Fótbolta.net.
Berglind vill ekki meina að leikirnir hafi endilega verið auðveldir þó að yfirburðir FH hafi verið gríðarlegir.
„Leikir á móti Haukum eru alltaf erfiðir, hausinn þarf að tikka inn, en við kláruðum þetta. Við vissum að við ættum að vera betri og við notuðum bara hausinn í þetta og rústuðum þeim. Ég er ógeðslega ánægð.“
Viðtalið við Berglindi má sjá í heild sinni hér að ofan.
