Hér að neðan má sjá einkunnagjöf Fótbolta.net en Gylfi Þór Sigurðsson er maður leiksins að þessu sinni.
Hannes Þór Halldórsson 6
Getur ,,kennt“ liðsfélögum sínum um að hafa ekki fengið hærri einkunn. Hefur sjaldan haft minna að gera.
Theodór Elmar Bjarnason 7
Ekki í sinni stöðu en sýndi að hann getur leyst hægri bakvörðinn mjög vel. Sérstaklega öflugur í fyrri hálfleik.
Kári Árnason 7
Kári og Ragnar spiluðu vel saman í hjarta varnarinnar.
Ragnar Sigurðsson 7
Raggi getur alveg horft á þennan leik aftur í sjónvarpi. Flottur leikur.
Ari Freyr Skúlason 8
Besti landsleikur Ara. Átti frábærar fyrirgjafir og stoðsendingin á Kolbein var gull.
Birkir Bjarnason (´70) 6
Flottur í fyrri hálfleik en dró mikið af honum í þeim síðari.
Aron Einar Gunnarsson 7
Fínasta dagsverk hjá fyrirliðanum. Skilaði sínu á miðjunni.
Gylfi Þór Sigurðsson ('89) 9 (Maður leiksins)
Gjörsamlega mögnuð frammistaða hjá Gylfa, ein sú besta hjá landsliðsmanni í fleiri ár. Stórkostleg föst leikatriði og frábær boltameðferð á miðjunni. Kórónaði svo frammistöðuna með glæsilegu marki.
Emil Hallfreðsson 7
Hefur verið meira á miðjunni hjá landsliðinu undanfarin ár en skilaði flottri stöðu á kantinum í kvöld.
Jón Daði Böðvarsson ('90) 8
Þvílík frumraun hjá Selfyssingnum. Stimplaði sig inn með laglegu skallamarki og hefði auðveldlega getað skorað annað. Síógnandi.
Kolbeinn Sigþórsson 8
Kolbeinn fer í landsliðsbúninginn og þá skorar hann. Kláraði frábærlega í þriðja markinu og var frískur allan leikinn.
Varamenn:
Rúrik Gíslason (´70) - 7
Kom frískur inn fyrir Birki.
Ólafur Ingi Skúlason ('89)
Viðar Örn Kjartansson ('90)
Athugasemdir