„Ég get ekki formlega stutt við bakið á neinum frambjóðanda því það er undir aðildarfélögum KSÍ að kjósa sér formann. Ég verð þó að segja að ég ber mikla virðingu fyrir Guðna Bergssyni. Ég tel hann vera frábæran leiðtoga og KSÍ hefur aldrei átt í eins góðum samskiptum við UEFA og það gerir í dag með Guðna sem formann," segir Aleksander Ceferin, formaður UEFA, í samtali við Vísi.
Þegar Ceferin var í kjöri á sínum tíma var talað um að Geir Þorsteinsson hafi kosið mótframbjóðanda hans. Ceferin segir þó að afstaða sín varðandi Guðna sé ekki persónuleg gagnvart Geir.
„Ég vil ekki dæma Geir því ég þekki hann ekki mikið. Staðreyndin er samt að samskiptin núna eru frábær og ég efast um að þau verði betri með öðrum manni í brúnni."
Vísir spjallaði við Ceferin en meira úr viðtalinu kemur í kvöldréttum Stöðvar 2 í kvöld.
Guðni og Geir eru tveir einir í slagnum um formannsstól KSÍ en kosið verður á ársþingi sambandsins þann 9. febrúar. Þeir mæta báðir í umræður í hlaðvarpsþættinum Miðjunni sem sendur verður út síðar í dag.
Ársþing 2019:
Hlaðvarp - Viðtal við Geir Þorsteins
Hlaðvarp - Viðtal við Guðna Bergs
Miklar breytingar á stjórn KSÍ - varaformaðurinn hættir
Þorsteinn Gunnarsson býður sig fram í stjórn KSÍ
Tillögur á ársþingi - Varalið í mfl kvenna og breytingar á yngri flokkum
Fimm vilja í stjórn KSÍ
Athugasemdir