Mauricio Pochettino talaði um nýja leikvang Tottenham á fréttamannafundi í dag. Völlurinn er tilbúinn og liðið farið að æfa á honum.

Fyrsti leikur Tottenham á vellinum verður þann 3. apríl gegn Crystal Palace.

„Leikvangurinn er hreinlega magnaður. Þetta er besti leikvangur heims og við getum staðfest það núna," sagði Pochettino.

„Allir hlutar hans eru það besta sem ég hef séð á minni lífsleið. Það er ekki hægt að bera hann saman við nokkurn annan leikvang."

„Leikvangurinn verður mikil lyftistöng fyrir stuðningsmenn og leikmenn líka."

Næsti leikur Tottenham er á Anfield á sunnudaginn.